Жаҳон

Россия Украинага йирик ҳужум уюштирди: камида 20 киши ҳалок бўлди

Украина расмийларига кўра, ҳужумлар Киев, Полтава, Днепропетровск ва Харьков вилоятларига қаратилган.

Россия Украинага йирик ҳужум уюштирди: камида 20 киши ҳалок бўлди

Россия 7 октябрга ўтар кечаси Украинага 130 та дрон ва 48 та қанотли ракета, шунингдек, баллистик ракеталар билан ҳужум қилди. Зарбалар оқибатида камида 20 киши, жумладан, болалар ҳалок бўлди. Украина ҳаво кучлари 161 та ҳаво нишони уриб туширилганини маълум қилди, деб хабар берди Al Jazeera.

 

Ҳужумлар Киев, Полтава, Днепропетровск ва Харьков вилоятларига қаратилган. Украина президенти Вoлoдимир Зеленский бу Россия 2022 йилда уруш бошлаганидан бери амалга оширган энг йирик ҳужумлардан бири бўлганини айтди.

 

Зеленскийнинг сўзларига кўра, ҳужумларнинг асосий нишонларидан бири Украина энергетика инфратузилмаси бўлган. Зарба оқибатида турар жой бинолари, саноат объектлари ва бошқа инфратузилма ҳам зарар кўрган.

 

Чернигов вилоятининг Прилуки шаҳрида ракета беш қаватли турар жой биносига келиб урилган. Фавқулодда вазиятлар хизматлари маълумотига кўра, бу ерда 14 киши, жумладан, тўрт нафар бола ҳалок бўлган, 50 киши жароҳатланган.

 

Киев мэри Виталий Кличконинг маълум қилишича, Дарницкий туманида ҳаво ҳужуми оқибатида ёнғин чиқиб, икки киши ҳалок бўлган. Днепр ва Кременчукда ракеталар кўп қаватли биноларга урилиши оқибатида яна икки киши, Александрияда эса икки киши ҳалок бўлган.

 

Россия Мудофаа вазирлиги эса ҳужумни «йирик зарба» деб атади. Вазирлик маълумотига кўра, Киев ва бошқа ҳудудлардаги ҳарбий-саноат объектлари юқори аниқликдаги ракеталар ҳамда дронлар ёрдамида нишонга олинган.

 

Россия томони Киевдаги Fire Point компаниясининг «Фламинго» қанотли ракеталари ва ўрта ҳамда узоқ масофага учувчи дронларни ишлаб чиқариш ва сақлаш объектлари ҳам зарба берилган нишонлар қаторида бўлганини билдирди. Шунингдек, Чернигов, Кировоград, Днепропетровск, Полтава ва Харьков вилоятларидаги объектлар, Одесса вилоятидаги порт ва кемаларни таъмирлаш инфратузилмаси ҳам нишонга олинган.

 

Украина парламентининг инсон ҳуқуқлари бўйича вакили Дмитрий Лубинец ҳужумни «террор ҳаракати» деб атади.

 

Киев сўнгги ҳафталарда Россиянинг мунтазам ҳаво ҳужумларига учрамоқда. Зарбаларида энергетика, темирйўл ва автомобиль инфратузилмаси, жумладан, Днепр дарёси устидан ўтувчи кўприклар ҳам нишонга олинмоқда.

 

Зеленскийнинг айтишича, Украина кучлари ҳам сўнгги 24 соат ичида Россиядаги тўртта объектга зарба берган. Улар орасида Пермь, Самара ва Астрахань вилоятларидаги иккита нефть объекти ҳамда ҳарбий тайёргарлик майдони бор. Украина томони Қора денгизда ҳам жавоб зарбаси берилганини билдирди.

“Сингапурни фабрикаларсиз қура олмайман. Мен сеҳргар эмасман” — Садир Жапаров

“Сингапурни фабрикаларсиз қура олмайман. Мен сеҳргар эмасман” — Садир Жапаров

Қирғизистон президенти нефтни қайта ишлаш заводини ёпиш ҳақидаги мурожаатга жавоб берди.

Россиянинг саккизта ҳудудида мигрантлар таксичилик қила олмаслиги мумкин: ўзбекистонликларга таъсир қилиши мумкин

Россиянинг саккизта ҳудудида мигрантлар таксичилик қила олмаслиги мумкин: ўзбекистонликларга таъсир қилиши мумкин

Евроосиё иқтисодий иттифоқига аъзо давлатлар фуқаролари бундан мустасно бўлади.

Хитойда турар-жой мажмуасида ёнғин: ҳалок бўлганлар сони 14 кишига етди

Хитойда турар-жой мажмуасида ёнғин: ҳалок бўлганлар сони 14 кишига етди

Ҳозирча ҳодиса сабаби маълум эмас.

Мисрда поездлар тўқнашди: етти киши ҳалок бўлди

Мисрда поездлар тўқнашди: етти киши ҳалок бўлди

Фожиа оқибатида 114 киши жароҳатланган.

“Украина бироз бошқача бўлади” — Трамп

“Украина бироз бошқача бўлади” — Трамп

АҚШ президенти Россия ва Украина ўртасидаги тинчлик келишувидан сўнг Украина келажаги ҳақида гапирди.

Глобал ҳарорат яна кўтарилди: 2026 йил энг иссиқ иккинчи йил бўлиши мумкин

Глобал ҳарорат яна кўтарилди: 2026 йил энг иссиқ иккинчи йил бўлиши мумкин

Мутахассислар 2026 йилнинг 2024 йилдаги ҳарорат рекордини такрорлаши ёки янгилаши эҳтимолини 20 фоиз деб баҳоламоқда.

Маст ҳолда рулга ўтиришнинг оқибати: ўзбекистонлик эркак 15 суткага қамалиши мумкин

Маст ҳолда рулга ўтиришнинг оқибати: ўзбекистонлик эркак 15 суткага қамалиши мумкин

Шунингдек, Қозоғистонда қўлга олинган эркак 7 йилга ҳайдовчилик ҳуқуқидан маҳрум этилиши мумкин.

Мисрда икки поезд тўқнашди: 64 киши жароҳатланди

Мисрда икки поезд тўқнашди: 64 киши жароҳатланди

Ҳалок бўлганлар бор-йўқлиги ҳозирча аниқланмаган.