Ҳар йили минглаб ўлат ҳолатлари қайд этилади — ЖССТ
ЖССТ вакили дунё бўйлаб ўлат ҳолатлари бўйича статистикани маълум қилди.
Дунёнинг турли мамлакатларида ҳар йили минглаб гумон қилинган ўлат ҳолатлари қайд этилади. Бу ҳақда ЖССТнинг эпидемия ва пандемияга тайёргарлик ва олдини олиш бўйича директори Мария Ван Керхове маълум қилди.
У Женевада бўлиб ўтган брифингда ташкилотга дунё мамлакатларидан ҳар йили минглаб гумон қилинган ўлат ҳолатлари ҳақида хабар келиб тушишини айтган.
Ван Керховенинг сўзларига кўра, 2019–2025 йилларда 10 та мамлакат ЖССТга одамларда ўлат касаллигининг қарийб 4 мингта гумон қилинган ҳолати ва 423 та ўлим қайд этилгани ҳақида маълумот берган.
Қайд этилишича, мазкур статистикага ўлатнинг бубоник ва пневмоник шакллари ҳам киради.
ЖССТ вакили ўлат бактериялар туфайли юзага келишини ва касалликни антибиотиклар ёрдамида даволаш мумкинлигини таъкидлади.
