Саида Мирзиёева Туркиянинг “Байкар” компанияси фаолияти билан танишди
Президент администрацияси раҳбари икки мамлакат мутахассислари ўртасида ҳамкорликни ривожлантириш имкониятлари мавжудлигини таъкидлади.
Саида Мирзиёева Туркиянинг «Байкар» компанияси мажмуасига ташриф буюриб, юқори технологиялар, хусусан, мудофаа саноати йўналишидаги илғор лойиҳалар билан танишди.
Унинг таъкидлашича, бундай ютуқлар ортида кўп йиллик илмий изланишлар, иқтидорли муҳандисларнинг меҳнати ҳамда миллий технологияларни ривожлантиришга йўналтирилган инвестициялар турибди.
Саида Мирзиёева Туркиянинг ушбу соҳадаги тажрибаси Ўзбекистон учун ҳам муҳим амалий аҳамиятга эга эканини қайд этди.
Шунингдек, у икки мамлакат мутахассислари ўртасида тажриба алмашиш ва технологик лойиҳаларни биргаликда амалга ошириш учун имкониятлар мавжудлигини билдирди.
