Яқин Шарқда вазият кескинлашиши мумкин: АҚШ фуқароларини огоҳлантирди
Фуқароларга транспортдаги эҳтимолий узилишлар ва рейслар бекор қилинишини ҳисобга олиш тавсия этилди.
АҚШ Давлат департаменти Яқин Шарқда бўлиб турган америкаликларни минтақадаги вазият янада кескинлашиши мумкинлиги ҳақида огоҳлантирди. Бу ҳақда идора баёнотида маълум қилинди.
Дипломатик идора мураккаб хавфсизлик вазияти сабабли АҚШ фуқароларига ҳушёрликни оширишни тавсия қилди. Шунингдек, улар эҳтимолий рейслар бекор қилиниши, ҳаво ҳудудларининг ёпилиши ва транспорт қатновидаги узилишларга тайёр туриши кераклиги таъкидланди.
Давлат департаменти ҳарбий ҳаракатлар минтақадан ташқарига ҳам тарқалиши мумкинлигидан хавотир билдирди. Баёнотда Эрон ва унга алоқадор кучлар АҚШнинг хориждаги объектлари, Америка компаниялари ҳамда АҚШ фуқаролари билан боғлиқ бошқа муассасаларни нишонга олиши мумкинлиги қайд этилган.
