Газсиз қоладиган манзиллар: 20 октябрь куни таъминот вақтинча тўхтатилади
Соат 09:00 дан 18:00 гача йирик газ қувурида таъмирлаш ишлари олиб борилади.
2026 йил 20 октябрь куни Юнусобод туманининг айрим маҳаллаларида таъмирлаш ишлари сабабли соат 09:00 дан 18:00 гача табиий газ таъминоти вақтинча тўхтатилади.
«Ҳудудгаз Пойтахт» газ таъминоти филиалининг маълум қилишича, Ифтихор кўчасидаги ер ости ўрта босимли, диаметри 530 миллиметр бўлган газ қувурида таъмирлаш ишлари олиб борилади.
Бунинг натижасида «Минор» МФЙ марказидаги 6-даҳада жойлашган 32 та кўп қаватли уй, Гунафша, Элобод, Хуршид, Минор берк ва Далазор кўчаларидаги 120 та хонадон, шунингдек, «Ифтихор» МФЙдаги Ифтихор кўчасининг 1-А ва 121–170-сонли кўп қаватли уйларида газ таъминоти вақтинча узилади.
Таъмирлаш ишлари якунлангач, табиий газ таъминоти босқичма-босқич тикланади.
