Андижонда қидирувдаги машина МИБ орқали топилди
Шундан сўнг ундан 67 миллион сўм қарздорлик ундирилган.
Маълумотларга кўра, кредит эвазига олинган CHEVROLET ONIX автомобиль қидирувга берилган.
МИБ Андижон вилояти бошқармаси Қидирув шуъбаси тезкор вакиллари томонидан олиб борилган қидирув тадбирлари натижасида кредит эвазига харид қилинган, қидирувдаги автомобиль аниқланган.
Автомобиль топилганидан сўнг ижро ҳаракатлари давом эттирилиб, 67 миллион сўм қарздорлик ундирилиши таъминланган.
Мажбурий ижро бюроси томонидан суд ҳужжатлари ва бошқа ваколатли органлар ҳужжатларининг ижросини таъминлаш, қарздорликларни қонуний тартибда ундириш ҳамда фуқаролар ва ташкилотларнинг қонуний манфаатларини ҳимоя қилиш борасидаги ишлар изчил давом эттирилмоқда.
