Автобус эшиги қатнов вақтида шикастланди: ҳодиса тафсилотлари маълум қилинди
Носозлик сўнгги қатнов вақтида юзага келган.
Ижтимоий тармоқларда автобус эшигининг носоз ҳолати акс этган видеолавҳа тарқалди. «Тошшаҳартрансхизмат» АЖ ҳолат юзасидан расмий муносабат билдирди.
Қайд этилишича, ҳодиса 2026 йил 1 ноябрь куни давлат рақами 01/054 ЖФА, сарой рақами 663 бўлган автобусда содир бўлган.
Маълум қилинишича, автобус шу куни соат 06:45 да техник соз ҳолатда йўналишга чиқарилган ва кун давомида йўловчиларга хизмат кўрсатган. Кечки пайт сўнгги қатновини амалга ошираётганида, охирги бекатга яқинлашиш чоғида унинг орқа эшигида кутилмаган носозлик юзага келиб, эшик шикастланган.
Ҳайдовчи йўловчиларни сўнгги бекатда туширгач, автобусни саройга қайтарган. Транспорт воситаси соат 22:00 да автобус саройига олиб келинган.
Компания маълумотига кўра, автобусдаги носозлик тўлиқ бартараф этилиб, зарур таъмирлаш ишлари амалга оширилган ва транспорт воситаси техник соз ҳолатга келтирилган.
