“Болалик кутиб турмайди”: Саида Мирзиёева Қаршидаги мактаб ва боғча шароити билан танишди
Маълум бўлишича, боғча авария ҳолатида, мактабда эса синфхоналар совуқ, парталар эскирган.
Саида Мирзиёева Қарши шаҳридаги 43-мактаб ва 1-сонли боғчанинг шароитлари билан танишди.
Маълум бўлишича, боғча авария ҳолатида, мактабда эса синфхоналар совуқ, парталар эскирган. Саида Мирзиёева болалик кутиб турмаслигини таъкидлаб, муаммоларни кечиктирмасдан ҳал қилиш зарурлигини қайд этди.
Эски боғча ўрнида 360 ўринли янги ва замонавий мактабгача таълим ташкилоти қурилади. Мактаб биноси таъмирланиб, замонавий лабораториялар, тил ва ижод тўгараклари ташкил этилади. Шунингдек, алоҳида эҳтиёжли болалар учун ҳам қулай шароит яратилади.
Саида Мирзиёева Қашқадарё илғор касбий маҳорат техникумида таҳсил олаётган ёшларнинг интилиши ва келажакка ишончи уни қувонтирганини билдирди.
Унинг таъкидлашича, болалар боғчага қўйган илк қадамидан бошлаб, мустақил ҳаётга кириб боргунига қадар муносиб муҳитда таълим-тарбия олиши керак.
