“Бундан буён ъкамбағал оила қолмадиʼ деган ҳисобот ўтмайди” — Президент
Хорижда кам маошга ишлаётган бухороликлар касбга ўқитилиб, юқори даромадли ишга жойлаштирилади.
Бухоро вилоятидан 99 минг нафар фуқаро меҳнат миграциясида. Хориждан қайтган 24 минг киши эса ҳали иш топмаган. Вилоятда ишсизлар сони 40 мингга яқин, яна 270 минг нафар аҳолининг даромади ўртача кўрсаткичдан паст.
“Бундан буён ъкамбағал оила қолмадиʼ деган ҳисобот ўтмайди”, — деди Президент Шавкат Мирзиёев.
Масъулларга хорижда кам иш ҳақига ишлаётган юртдошларни касбга ўқитиш ва юқори даромадли ишларга жойлаштириш топширилди.
Шунингдек, 270 минг нафар аҳолининг даромадини ўртача ва ундан юқори даражага олиб чиқиш бўйича туманлар кесимида аниқ режалар ишлаб чиқиш вазифаси қўйилди.
