Ноябрда 30 даражагача иссиқ: Ўзбекистоннинг учта ҳудудида ҳарорат рекордлари янгиланди
Навоийда ҳаво 30 даражагача, Бухорода эса 30,6 даражагача исиди.
8 ноябрь куни Навоий ва Бухоро шаҳарларида кунлик ҳарорат рекордлари янгиланди. Бундан аввал, 6 ноябрь куни Тошкентда ҳам ноябрь ойи учун янги ҳарорат рекорди қайд этилган.
Ўзгидромет хабар беришича, 8 ноябрь куни Навоийда ҳаво ҳарорати 30 даражагача кўтарилган. Бу 1992 йилда қайд этилган 28,7 даражалик аввалги рекорддан 1,3 даражага юқори.
Бухорода эса максимал ҳарорат 30,6 даражани ташкил этган. Бу кўрсаткич 1992 йилдаги 29,5 даражалик рекорддан 1,1 даражага юқори.
Шунингдек, 6 ноябрь куни Тошкентда ҳаво ҳарорати 26,9 даражагача кўтарилган. Бу 1981 йилда қайд этилган 26,4 даражалик рекорддан 0,5 даражага юқори бўлган.
