9 ойда 3,4 мингга яқин ЙТҲ: қайси ҳудудда авариялар кўпроқ содир бўлди?
Миллий статистика қўмитаси маълумотига кўра, ҳодисаларда 5,5 мингдан ортиқ киши жароҳатланган.
2026 йилнинг январь–сентябрь ойларида Ўзбекистонда 3 391 та йўл-транспорт ҳодисаси (ЙТҲ) қайд этилган. Ушбу бахтсиз ҳодисалар оқибатида 5 581 киши жароҳат олган. Бу ҳақда Миллий статистика қўмитаси маълум қилди.
Ҳудудлар кесимида энг кўп йўл-транспорт ҳодисаси Самарқанд вилоятида қайд этилган — 471 та. Кейинги ўринларда Тошкент вилояти (459 та) ва Тошкент шаҳри (458 та) туради.
Шунингдек, Наманган вилоятида 342 та, Фарғона вилоятида 340 та, Андижон вилоятида 219 та, Қашқадарё вилоятида 215 та, Сурхондарё вилоятида 199 та ЙТҲ содир бўлган.
Жиззах вилоятида 145 та, Қорақалпоғистон Республикасида 140 та, Хоразм вилоятида 127 та, Навоий вилоятида 117 та, Бухоро вилоятида 82 та ҳамда Сирдарё вилоятида 77 та йўл-транспорт ҳодисаси қайд этилган.
