Тошкент ҳавоси ифлосланмоқда: кўчаларга сув пуркаш ишлари кучайтирилди
Ушбу жараёнга қарийб 100 та махсус техника жалб қилинган.
Тошкент кўчаларида чанг кўтарилишини камайтириш мақсадида қарийб 100 та махсус техника ёрдамида сув пуркаш ишлари олиб борилмоқда. Бу ҳақда пойтахт ҳокимлиги матбуот хизмати хабар берди.
Маълум қилинишича, йўл қопламаларини мунтазам намлаш чангнинг чўкишига ва унинг ҳавога кўтарилишини камайтиришга ёрдам беради.
Шунингдек, шаҳарда фавворалар ва суғориш тизимлари ҳам ишга туширилмоқда. Ушбу чоралар кўчалардаги намликни ошириш, чанг миқдорини камайтириш ва шаҳар муҳитини яхшилашга қаратилган.
