Шаҳрисабзда ЙТҲ: 20 ёшли ҳайдовчи вафот этди
20 ёшли ҳайдовчи руль бошқарувини йўқотиб, йўл четидаги дарахтга урилган.
Қашқадарё вилоятининг Шаҳрисабз туманида VAZ-2105 русумли автомобиль дарахтга урилиши оқибатида 20 ёшли ҳайдовчи вафот этди. Бу ҳақда вилоят Йўл ҳаракати хавфсизлиги бошқармаси хабар берди.
Маълум қилинишича, йўл-транспорт ҳодисаси 26 октябрь куни соат 23:30 ларда Шаҳрисабз тумани Катта Новқат маҳалласи ҳудудидан ўтган маҳаллий аҳамиятдаги автомобиль йўлида содир бўлган.
2006 йилда туғилган M.X. VAZ-2105 русумли автомобилни бошқариб кетаётиб, руль бошқарувини йўқотган ва йўл четидаги дарахтга урилган.
Ҳодиса оқибатида тан жароҳатлари олган ҳайдовчи шифохонада вафот этган.
Мазкур ҳолат юзасидан Шаҳрисабз тумани Ички ишлар бўлими Тергов бўлинмаси томонидан Жиноят кодексининг 266-моддаси 2-қисми билан жиноят иши қўзғатилган. Ҳозирда тергов ҳаракатлари давом этмоқда.
