Ўзбекистонда ўлимлар сони камайди: 9 ойда 123,4 минг киши вафот этди
Ўлим ҳолатлари сони сўнгги беш йилнинг январь–сентябрь ойлари орасида энг паст кўрсаткични қайд этди.
Ўзбекистонда 2026 йилнинг январь–сентябрь ойларида 123,4 мингта ўлим ҳолати қайд этилди. Бу ўтган йилнинг мос даврига нисбатан 8,8 минг нафарга ёки қарийб 6,7 фоизга кам.
Миллий статистика қўмитасининг 27 октябрь куни эълон қилинган ҳисоботига кўра, 2025 йилнинг дастлабки тўққиз ойида мамлакатда 132,2 минг киши вафот этган. Жорий йилнинг шу даврида ўлим коэффициенти 4,2 промиллени ташкил этган.
Сўнгги беш йилнинг январь–сентябрь ойларида қайд этилган ўлим ҳолатлари қуйидагича:
-
2022 йил — 130,2 минг киши;
-
2023 йил — 129,7 минг киши;
-
2024 йил — 131,7 минг киши;
-
2025 йил — 132,2 минг киши;
-
2026 йил — 123,4 минг киши.
Шундай қилиб, жорий йилнинг дастлабки тўққиз ойидаги ўлим ҳолатлари сони сўнгги беш йилнинг мос даврлари орасида энг паст бўлган.
Ҳисоботга кўра, январь–сентябрь ойларида вафот этганларнинг 68,5 минг нафари ёки 55,5 фоизи эркаклар, 54,9 минг нафари ёки 44,5 фоизи аёллар ҳиссасига тўғри келган. Эркаклар орасидаги ўлим ҳолатлари аёлларникидан 13,6 минг нафарга кўп.
Яшаш жойи бўйича эса вафот этганларнинг 65,7 минг нафари, яъни 53,2 фоизи шаҳарларда, 57,7 минг нафари ёки 46,8 фоизи қишлоқ жойларда яшаган.
2026 йилнинг дастлабки тўққиз ойида Ўзбекистонда 638,6 минг нафар бола тирик туғилган. Бу 2025 йилнинг мос даврига нисбатан 26 минг нафарга кам.
Туғилиш ва ўлим кўрсаткичлари ўртасидаги фарқ ҳисобига аҳолининг табиий ўсиши 515,2 минг кишини ташкил этган.
