Саида Мирзиёева устоз ва мураббийларни байрам билан табриклади
У ўқитувчиларнинг ёш авлод тарбиясидаги саъй -ҳаракатларини эътироф этди.
Саида Мирзиёева 1 октябрь — Ўқитувчи ва мураббийлар куни муносабати билан устозларни табриклади.
У ўз табригида ўқитувчиларнинг болаларни билим олишга, мустақил фикрлашга, ўзига ишонишга, бошқаларни ҳурмат қилишга ва Ватанни севишга ўргатишдаги меҳнатини эътироф этди.
«Ўзбекистонда устозларга доимо алоҳида эҳтиром кўрсатилган. Ушбу қадриятни асраб-авайлашимизни ва кейинги авлодларга ҳам сингдиришимизни жудаям хоҳлайман», — деб ёзди Саида Мирзиёева.
У барча устозларни байрам билан муборакбод этиб, уларнинг шогирдларига қилган яхшиликлари ўзларига юз баробар бўлиб қайтишини тилади.
