Ишга кириш учун 400 доллар: Самарқандда мактаб директори ушланди
У фуқарони ўқитувчи лавозимига ишга қабул қилиш эвазига пул талаб қилган.
Самарқанд шаҳрида умумий ўрта таълим мактаби директори фуқарони ўқитувчи лавозимига ишга қабул қилиш эвазига 400 доллар олган вақтида ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, Департаментнинг Самарқанд шаҳар бўлими ва бошқа ҳуқуқни муҳофаза қилувчи органлар ходимлари ҳамкорлигида ўтказилган тезкор тадбирда мактаб директори мактаб директори Н.А. фуқаро Қ.М.ни ўқитувчи лавозимига ишга қабул қилиш эвазига 400 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари олиб борилмоқда.
