1-июлдан бошлаб Тошкент–Тель-Авив рейслари қайта тикланади
Шунингдек, Эрон ҳаво ҳудудидан фойдаланишдаги чекловлар туфайли жорий қилинган Тошкент–Дубай ва Тошкент–Шарм ал-Шайх йўналишларидаги ўзгаришлар ҳам ўз ўрнига қайтарилади.
Uzbekistan Airways 2025 йил 1 июлдан бошлаб Тошкент — Тель-Авив — Тошкент йўналишидаги парвозларни яна одатдаги жадвал асосида амалга оширишини маълум қилди.
Аввалроқ, 16 июндан 30 июнгача бўлган даврда мазкур йўналишдаги рейслар Тель-Авивдаги Бен-Гурион халқаро аэропортининг ёпилиши сабабли вақтинча тўхтатилган эди.
Шунингдек, Эрон ҳаво ҳудудидан фойдаланишдаги чекловлар туфайли июн ойининг охиригача Тошкент–Дубай ва Тошкент–Шарм ал-Шайх йўналишларида ҳам вақтинча ўзгаришлар жорий этилганди.
Авиакомпания йўловчиларга ўз вақтида ва хавфсиз парвозларни таъминлаш бўйича барча зарур чораларни кўрмоқда.
