Афғонистон Хитой билан савдосини тиклади
"Толибон" ҳокимиятни эгаллагандан сўнг Пекин билан савдо бутунлай тўхтаб қолганди.
“Толибон” ҳокимиятга келгандан 2 ой ўтиб Афғонистон Хитой билан савдосини тиклади. Бу ҳақда “Регнум” хабар берди.
Маълум қилинишича, Афғонистондан 40 тоннадан ортиқ кедр ёнғоқлари Шанхайга олиб келинган. Мамлакатда толиблар ҳукмронлиги ўрнатилгандан кейин икки ой давомида Хитой билан савдо алоқалари бутунлай тўхтаб қолган эди. Афғонистоннинг Kam Air авиакомпанияси Кобулдан Шанхайга 8 соатлик парвоздан кейин товарни етказиб келган.
Афғон кедр ёнғоқлари 2018 йилдан буён Хитойга экспорт қилинади. Эндиликда икки давлат корхоналари ўртасидаги келишувга биноан Шанхайга икки ой давомида шу турдаги товарлар етказиб берилади.
Бундан аввал Хитой "Толибон" билан иқтисодий ҳамкорликнинг асосий шартини маълум қилганди.
Жаҳонгир Қўзиев
