Андижонлик аёл онлайн қимор ўйнаб, ўзини ўлдирди
У ўйин сабаб қарз бўлиб қолганини ёзиб қолдирган.
Андижон вилоятининг Асака шаҳрида 28 ёшли аёл онлайн қиморда қарз бўлиб, ўзини ўлдиргани аниқланди. Бу ҳақида “Марказий студия” информацион дастурида хабар берилди.
Маълум бўлишича, аёл ўзини ўлдириши ҳақидаги хабарни қариндошига юборган.
“Сени айтганингни қилмай, 3 миллион пулни тикдим, танишимдан олиб яна тикдим. Яна мени 11 миллион қарзга тиқиб қўйишди. Бу пулни қайтаришга бунча пулим йўқ. Ана энди охирги чорам бу дунёдан ўтиш. Мени кечиринглар”, — деб ёзиб қолдирган аёл.
Аниқланишича, аёлнинг уйида ҳеч қандай оилавий муаммолар бўлмаган. У тумандаги шифохонада ҳамшира бўлиб ишлаган.
Ҳозирда мазкур ҳолат юзасидан Асака тумани прокуратураси томонидан терговга қадар суриштирув ишлари олиб борилмоқда.
