Apple “Манчестер Юнайтед”ни сотиб олмоқчи
Компания уни энг бой клубга айлантириши мумкин.
Американинг “Apple Inc” компанияси Англиянинг энг муваффақиятли футбол клубларидан бири “Манчестер Юнайтед”ни сотиб олиш имкониятини кўриб чиқмоқда. Бу ҳақда “The Daily Star” нашри хабар қилди.
Қайд этилишича, компания бош директори клуб учун 5,8 млрд фунт стерлинг (7 млрд доллардан сал кўпроқ) тўлашга тайёр. У жамоага эгалик қилиш имкониятларни ўрганмоқда ва банклар билан музокаралар олиб бориш ниятида.
“Apple” компанияси томонидан жамоанинг сотиб олиниши “Манчестер Юнайтед”ни дунёнинг энг бой клубига айлантириши мумкин.
Эслатиб ўтамиз, ҳафта бошида клуб эгалари истқболдаги ривожланишнинг турли стратегик вариантларини, шу жумладан, “Манчестер Юнайтед”ни сотишни ҳам кўриб чиқаётгани маълум қилинганди.
