АҚШ Австралияга ядро бомбаси олиб юрадиган самолётларни жойлаштиради
Бу Вашингтонга 100 миллион долларга тушади.
АҚШ Австралия шимолига ядро бомбалари олиб юришга мўлжалланган B-52 бомбардимончи самолётларини жойлаштирмоқчи. Бу ҳақда Reuters агентлиги хабар берди.
Тахминларга кўра, бунинг учун Тиндал авиабазасида зарур объектлар қурилади. Вашингтон буни “Эскадрильянинг оператив маркази” деб атамоқда.
Ўз навбатида ABC телеканали ҳукумат томонидан ишлаб чиқилган техник марказнинг режаси суратларини эълон қилган. Ушбу база АҚШ ҳукуматига 100 миллион долларга тушиши тахмин қилинмоқда. Бомбардимончилар учун туриш жойи 2026 йил якунигача қуриб битказилади.
Австралия мудофаа вазирлиги бу хабарга изоҳ бермаган.
