АҚШ Украинага етказиб бериган ҳарбий ёрдам оқибатида бўшаб қолган омборларини тўлдириш учун қурол сотиб олиш жараёнини тезлаштирди. Бу ҳақда Пентагон раҳбари ёрдамчиси Дуглас Буш маълум қилди.
Унинг сўзларига кўра, АҚШ ҳукумати сўнгги ойларда ҳарбий саноат компаниялари билан 2.6 миллиард долларлик шартнома имзолаган. Биргина октябрь ойининг иккинчи ярмида тузилган битимлар 1 миллиард долларлик ракета ва ўқ-дори етказиб беришни кўзда тутади.
Дуглас Буш 3 май куни АҚШ армияси қурол омборларини тўлдириш учун дастлабки маблағларни қабул қилганини қайд этган. Шундан кейин қуролли кучлар деярли ҳар ҳафта бюджетдан катта миқдорда пул олиб турган.
Украина низоси бошлангач, Вашингтон Киевнинг асосий ҳарбий донорларидан бирига айланди. Ҳозирга қадар 20 миллиард доллардан ортиқ ёрдам кўрсатилган. Шу билан бирга бу Америка ва айрим Ғарб давлатлари армияси қурол захирасининг сезиларли даражада камайишига сабаб бўлган.