АҚШ Бразилия қаҳвасига божларни бекор қилиши мумкин
Трамп маъмурияти қаҳва нархини пасайтириш учун тезкор чоралар кўрмоқда.
CNN Brasil хабарига кўра, АҚШ президенти Доналд Трамп яқин кунларда Бразилиядан қаҳва импортига қўйилган божларни қайта кўриб чиқиши ёки умуман бекор қилиши мумкин. Мазкур масала пайшанба куни Бразилия ташқи ишлар вазири Мауро Виеира ва АҚШ давлат котиби Марко Рубио ўртасида Вашингтонда бўлиб ўтадиган учрашувда муҳокама қилинади.
Манбаларнинг айтишича, божларни бекор қилиш мавзусини айнан Рубионинг ўзи кўтариши кутилмоқда. Чунки Трамп аллақачон мамлакат ички бозорида қаҳва нархини пасайтириш бўйича “тезкор чоралар кўришни” талаб қилган. Дипломатик доираларда бу қарор икки давлат ўртасидаги савдо алоқаларини янада мустаҳкамлаши мумкинлиги таъкидланмоқда.
