Американинг Ф-16 қирувчи самолёти АҚШнинг Жанубий Кореядаги йирик ҳарбий базаси яқинида ўқув парвози вақтида ҳалокатга учради, дея хабар бермоқда СНН.
Қайд этилганидек, қирувчи самолёт Осан авиабазаси яқинидаги қишлоқ ҳудудига қулаган. Ҳарбийлар сўзларига кўра, учувчи оғир аҳволда тиббий муассасага олиб кетилган.
Ҳарбийларнинг маълум қилишича, тинч аҳоли орасида қурбонлар йўқ. Ҳакокат сабаблари ўрганилмоқда.