31 июль куни "Ал-Қоида" халқаро террорчилик ташкилоти етакчиси Кобулда ўлдирилди. У АҚШнинг махсус амалиёти пайтида йўқ қилинган.
Айман аз-Завохирий 2011 йил Усома бин Лодин ўлимидан сўнг халқаро террорчи гуруҳ раҳбари ҳисобланиб келган. Оқ уй уни учувчисиз қурилма ёрдамида ўлдирилганини айтмоқда.
Жозеф Байден ҳодиса бўйича баёнотида амалиётнинг ҳар томонлама муваффақиятли ўтганини таъкидлаган. Шунингдек, АҚШ
Давлат котиби Энтони Блинкен "Толибон" ҳаракатини Доҳа келишувларини бажармасликда айблади. Унинг сўзларига кўра, толиблар Афғонистонга халқаро террорчиларни киритмаслик ва уларни асрамаслик мажбуриятини олган.
Аввалроқ Афғонистонда ИШИД жангарилари сони уч баробар кўпайгани тўғрисида хабар берилганди.