Замир Кабулов: Толиблар ҳокимиятга келгандан сўнг ИШИД жангарилари сони 3 баробар кўпайди
Дипломат санкциялар “Толибон” кучларини заифлаштираётганини айтган.
Афғонистонда ИШИД жангарилари сони 6 мингга етди. Бу ҳақда РФ президентининг Афғонистон бўйича махсус вакили Замир Кабулов маълум қилди.
“Тахминан уларнинг сони 6 мингга етган. Толиблар ҳокимиятни эгаллагандан сўнг уларнинг сони 2 минг атрофида эди, ҳозирда улар 3 баробарга кўпайган”, – деган дипломат.
Махсус вакилнинг сўзларига кўра, бу Афғонистондаги вазиятнинг энг салбий нуқтаси ҳисобланади. У нафақат мамлакатнинг ўзи учун, балки унинг қўшнилари учун ҳам хавф туғдиради.
Кабулов санкциялар туфайли “Толибон” ўз жанговар шайлигини сақлаб туришга қийналмоқда.
Аввалроқ Тожикистон президенти Эмомали Раҳмон толибларни инклюзив ҳукумат тузилишига тўсқинлик қилишда айблаганди.
