Август ойида қанча оила ажрашгани маълум бўлди
Давлат статистика қўмитаси маълумотларига кўра, 2021 йилнинг август ойида 3 286 та ажрим ҳолатлари қайд этилган. Бу ўтган йилнинг мос даври билан солиштирилганда 899 тага кўп.
2021 йилнинг январь-июнь ойларида ҳудудлар кесимида қайд этилган ажримлар сонига кўра, Тошкент шаҳри (2 830 та), Фарғона (2 111 та) ва Самарқанд вилоят (2 041 та)лари етакчилик қилган.
Таҳлилларга кўра, кўплаб ёшларнинг оила қуришга тайёр эмаслиги, соғлиғига эътиборсизлик, йигитларнинг оила бошқариш, рўзғорни моддий таъминлашни ўз бурчи деб билмаслиги, қизларнинг эса уй бекаси, оналик вазифасини тушунмаслиги, аксарият ҳолларда қайнона ва келин ўртасидаги можаролар оилалар бузилишига олиб келмоқда.
Эслатиб ўтамиз, аввалроқ zamon.uz сайти жамоаси томонидан ажримга қандай ҳолатлар сабаб бўлиши мумкинлиги юзасидан аҳолимизнинг фикри ўрганилганди.
