Балхаш шаҳрида ноқонуний ишлаган 10 нафар ўзбекистонлик аниқланди

 

17 апрел куни Қозоғистон Республикаси Қарағанди вилоятининг Балхаш шаҳри полиция бўлимига Балхаш кўли қирғоқ зонасида жойлашган меҳмонхона мажмуаларидан бири ҳудудида хорижликлар ноқонуний яшаётгани ҳақида маълумот келиб тушди. 

 

Текширув давомида полиция ходимлари томонидан мазкур меҳмонхона мажмуасида 23 ёшдан 55 ёшгача бўлган 10 нафар Ўзбекистон Республикаси фуқароси қурувчи сифатида ишлагани аниқланган. Бироқ уларда бу фаолият учун рухсатномалар бўлмаган. Маълум бўлишича, тўққиз нафар хорижлик аввалроқ миграция қонунчилигини бузгани учун маъмурий жавобгарликка тортилган, бироқ Қозоғистон ҳудудида қолишда давом этган.

 

Балхаш шаҳар маъмурий ҳуқуқбузарликлар бўйича судининг қарорига кўра, улар икки суткага ҳибсга олиниб, кейинчалик Ўзбекистон Республикасига чиқариб юборилади. Амалга оширилган фаолияти билан визада кўрсатилган ҳолатлар ўртасидаги номувофиқлик учун 1 нафар 41 ёшли Ўзбекистон Республикаси фуқароси маъмурий жавобгарликка тортилди. Суд қарори билан у икки суткага ҳибсга олинди.

 

Шунингдек, ушбу хорижий фуқароларнинг 40 ёшли иш берувчиси маъмурий жавобгарликка тортилди. У Қозоғистон Республикаси қонунчилигини бузган ҳолда хорижий меҳнат ва меҳнат муҳожирларидан фойдаланганлик учун маъмурий жавобгарликка тортилди ва 91 890 тенге миқдорида жаримага тортилди.