Бир неча йиллардан бери молиявий қийинчиликлар билан курашиб келаётган "Барселона" катта трансферларсиз "Реал" ва бошқа қудратли клублар билан рақобатлаша олмаслигини тушиниб етди.
Каталония клуби мутасаддилари бу ёз яна бир катта харидни амалга оширмоқчи. "Барселона" таркибни кучайтириш учун "Ливерпул"нинг қанот ҳужумчиси Луис Диасни олишга қарор қилди.
Испан гранди 27 ёшли ўйинчи учун инглизларга 55-60 миллион евро атрофида маблағ таклиф қилишга тайёр.
"Ливерпул" Диас билан хайрлашишга рози. Бироқ, улар "Барселона"дан 62 миллион евродан кўпроқ маблағ талаб қиляпти.