Берунийда болаларни олиб кетаётган Nexia аварияга учради
Машинада хусусий боғча болалар бўлган.
Ижтимоий тармоқда Қорақалпоғистон Республикасининг Беруний туманида хусусий боғча тарбияланувчиларини олиб кетаётган автомашина аварияга учрагани ҳақида видео тарқалди.
Аниқланишича, 19 июнь куни хусусий боғча раҳбари С.Г. Nexia автомашинасида боғча тарбияланувчиларини олиб кетаётганда Gentra ҳайдовчиси У.Қ. автомашинаси билан тўсатдан Nexia олдига чиқиб юбориши оқибатида тўқнашув содир бўлган.
ЙТҲ оқибатида 2018 йилда туғилган Х.Ф. ва 2021 йилда туғилган Н.С. тан жароҳати олиб, шифохонага стационар даволанишга ётқизилган.
Дастлабки маълумотларга кўра, ҳар иккала жабрланганларда ўрта даражадаги жароҳатлар аниқланиб, зарур тиббий муолажалар кўрсатилган.
Қолган йўл транспорт ҳодисаси иштирокчилари тўлиқ амбулатор кўрикдан ўтказилган, аҳволи қониқарли.
Мазкур ҳолат юзасидан ЖКнинг 266-моддаси 1-қисми билан жиноят иши қўзғатилди.
