Билимларни баҳолаш агентлиги сайтига ҳужум қилиндими?
Агентлик тармоқда тарқалган хабарларга изоҳ берди.
Ижтимоий тармоқда Билимни баҳолаш агентлигининг ахборот тизимларига киберҳужум уюштирилгани ҳақида хабарлар тарқалди. Ҳолатга агентлик изоҳ бериб, ҳеч қандай киберҳужум содир бўлмаганини маълум қилди.
Қайд этилишича, барча маълумотлар базаси ва ахборот тизимлари тўлиқ ишчи ҳолатда ишламоқда.
Интернетда сиздирилган пароллар рўйхатидаги 73 фоиз (3 438 нафар) фойдаланувчи Агентликнинг ахборот тизимларидан рўйхатдан ўтмаган.
Қолган 1 250 нафар фойдаланувчи ҳам актив фойдаланувчи ҳисобланмайди ва уларнинг пароллари фойдаланиш учун яроқсиз.
Ҳозирда Агентлик ходимлари томонидан тизимларда тўлиқ мониторинг ишлари олиб борилмоқда.
