Боррель: Марказий Осиёдан Россияни четлаб ўтадиган транспорт коридорларини ривожлантириш керак
ЕИ бош дипломати минтақага ташрифи юзасидан якуний баёнот берди.
Евроиттифоқ Марказий Осиё билан ҳамкорликни чуқурлаштириши керак. Бу ҳақда Европа дипломатияси раҳбари Жозеп Боррель минтақага ташрифи якуни бўйича берган баёнотида маълум қилди.
Жаноб Боррель Россия ва Хитойнинг Марказий Осиё билан ҳамкорликда етакчилик қилаётганига эътибор қаратган. Шу билан бирга минтақа давлатлари ташқи сиёсатини диверсификация қилишга ҳаракат қилаётгани қайд этилган.
“ЕИ бу ўзгаришлардан фойдаланишдан манфаатдор. Биз минтақа билан алоқаларни чуқурлаштиришимиз, энергетика ва ўта муҳим хомашё етказиб беришдаги потенциалини ишга туширишимиз керак” , – деган Боррель.
Дипломат Россияни четлаб ўтадиган янги транспорт коридорларини ривожлантиришни таклиф қилган. Гап Транскаспий йўлаги ҳақида кетмоқда.
Аввалроқ Боррель Европанинг Марказий Осиёга Хитой ва Россиядан кўп инвестиция киритганини айтганди.
