Ижтимоий тармоқда Бухоро вилояти Болалар мурувват интернатида болаларга нисбатан турли жисмоний зўравонлик ҳаракатлари содир этилаётгани ҳақида хабарлар тарқалди.
Ҳозирда ҳолат юзасидан Бухоро шаҳар ИИО ФМБ томонидан тергов-тезкор гуруҳи тузилиб, терговга қадар текширув ҳаракатлари бошланган.
Шунингдек, муассаса ходимларига оид меҳнат муносабатларини ташкил этилиши юзасидан хизмат текшируви тайинланган.
Бундан ташқари, Мурувват уйида тарбияланаётган вояга етмаганларга жисмоний зарар етганлигини аниқлаш юзасидан суд тиббий экспертизаси тайинланган.
Терговга қадар текширув Бухоро шаҳар ИИО ФМБ ҳузуридаги тергов бўлими томонидан олиб борилмоқда.