Шандунда олиб борилган қазишмалар натижасида деворнинг қурилиши аввал ўйланганидан 300 йил олдин бошлангани маълум бўлди.
Шандун провинциясида археологлар Буюк Хитой деворининг энг қадимий қисмини топдилар. Топилма деворнинг аввал тахмин қилинганидан 300 йил олдин, Ғарбий Чжоу сулоласи даврида (милоддан аввалги 1046-771 йиллар) бошланганини кўрсатмоқда.
Шандун вилояти Маданий ёдгорликлар ва археология институти томонидан 2024 йилда Гуангли қишлоғининг шимолида олиб борилган қазиш ишлари Буюк Қи деворининг илк тўлиқ ўрганилган қисми бўлди. Тадқиқотчиларга кўра, девор дастлаб Урушаётган давлатлар даврида (милоддан аввалги 475-221 йиллар) босқинлардан ҳимоя қилиш учун қурилган бўлиб, у 600 километрдан ортиқ масофага чўзилган.
Бундан ташқари, археологлар Буюк Қи деворидан 1,5 километр шимолда жойлашган Пингйин қадимий манзилгоҳини ҳам топдилар. Тарихий манбаларда Пингйин Қи давлатининг муҳим таянчи сифатида қайд этилган бўлиб, шаҳар транспорт йўллари ва чегара хавфсизлигини таъминлашда асосий роль ўйнаган.