Чет элдан бахтини топган юлдузлар
Ўзбек санъатида чет элга турмушга чиққан машҳурлар талайгина. Уларнинг аксарияти ўзбек актрисаларидир.
Хонанда ва актриса Камола Арслонова Туркияга қилган саёҳати давомида Месут исмли йигитни учратади. Уларнинг тўйи 2014 йилда бўлиб ўтади. Ҳозирда уларнинг Ахсин исмли қизи бор. Камола миллий телеканалларимиз орқали эфирга узатилган “Опа-сингиллар” сериалида кичик сингил роли орқали машҳурликка эришган.
Телебошловчи Дилноза Саидова 2019 йилда Туркия давлатининг фуқаросига турмуш чиққан. У ўзининг Инстаграм саҳифасида қуйидагича изоҳ қолдирган: “Муваффақиятли каърерадан оиласи учун воз кечган телебошловчи”.
Навбатдаги келин ҳам ўзбек киноси ва сериалларида ўз мухлисларига эга бўлган актриса Наргиза Салмоновадир. У 2018 йилнинг август ойида Эмраҳ Саян исмли йигит билан оила қурган. Уларнинг тўйлари Истанбулда жойлашган Босфор денгизида бўлиб ўтган.
“Сарвиноз” ва “Ёдгор” фильмлари орқали машҳурликка эришган актриса Камола Умархўжаева 2004 йил таълим олиш мақсадида океан ортига жўнаб кетган ва ўша ерда ўз бахтини топади. Актриса 14 йилдан буён АҚШда истиқомат қилади ва унинг 3 нафар ўғли ва 1 та қизи бор.
Маҳоратли актриса Дилдора Ҳошимова “кореялик келин” роли орқали барчага таниш. У Кореянинг Пусан шаҳрига турмушга чиққан. Ҳозирги кунда унинг Сон Дасон исмли қиз фарзанди бор.
Дилдора хорижда ҳам ўз ижодини давом эттирган ҳолда ўзбек сериалларида ҳам суратга тушади. Бундан ташқари, Жанубий Корея телеканалида телебошловчи сифатида фаолият олиб боради.
