Тошкент шаҳар Чилонзор туманидаги мис қувурлари ишлаб чиқарувчи цехда ёнғин содир бўлди.
Фавқулодда вазиятлар вазирлигининг маълум қилишича, бугун, 14 июнь куни соат 09:50 да Чилонзор туманида жойлашган мис қувурлари ишлаб чиқариш цехининг бир қаватли бостирмаси (ангар)да дастлабки маълумотларга кўра ҳаво-газ аралашмасининг чақнаши содир бўлган.
Натижада воқеа жойига ФВВ раҳбарияти бошчилигида ёнғин-қутқарув экипажлари, шунингдек, Прокуратура, ИИВ, МГ, ССБ ва бошқа тегишли ташкилотлар ходимлари етиб борган. Ҳозирда ҳодиса оқибатлари бартараф этилмоқда.
Дастлабки маълумотларга кўра чақнаш оқибатида 6 нафар фуқаро турли даражада тан жароҳати олиб, Республика шошилинч тиббий ёрдам илмий марказига ётқизилган.