Путин газ масаласида Макронга шарт қўйди
Бугун икки давлат раҳбари ўртасида навбатдаги телефон мулоқот бўлиб ўтди.
Суҳбат давомида Украина атрофидаги вазият ривожланишининг долзарб жиҳатлари бўйича фикр алмашилган ва гуманитар масалаларга алоҳида эътибор қаратилган.
Путин тинч аҳолининг хавфсиз эвакуация қилинишини таъминлаш юзасидан Россия ҳарбийлари томонидан кўрилаётган чора-тадбирлар ҳақида батафсил маълумот берган.
Шунингдек, мулоқотда Россия газини Европа мамлакатларига етказиб бериш масаласига ҳам тўхталиб ўтилган.
“Россиядан Европа Иттифоқи мамлакатларига табиий газ етказиб бериш учун тўловни рус рублида ўтказиш тўғрисидаги қарор билан боғлиқ масалалар кўриб чиқилди”, дейилади матбуот хизмати хабарида.
Қайд этилишича, бу қарор алоқалар узайтирилиши шарти билан амалга оширилади.
