Дунёдаги энг аниқ соат 3,3 млн долларга сотилмоқда
Соат фақат илмий тадқиқотлар учун ишлатилади.
Япония дунёдаги энг аниқ соатни ишлаб чиқарди, унинг нархи 3,3 миллион доллар деб белгиланган. Бу Shimadzu Corp компанияси томонидан яратилган Stronsiy оптик панжарали соат бўлиб, у 10 миллиард йил давомида фақатгина 1 сония хатога йўл қўйиши мумкин.
Shimadzu ўзининг 150 йиллик юбилейини нишонлади ва Япония илмий тараққиётида муҳим роль ўйнашни давом эттиришини билдирди. Компания 5 мартдан бошлаб ушбу ультра-аниқ соатни сотувга чиқаради. Уч йил ичида фақат 10 дона ишлаб чиқариш режалаштирилган, ва улар асосан илғор илмий тадқиқотлар учун ишлатилиши кутилмоқда.
