Lifehacker нашри тақдим этган қуйидаги фотоларни томоша қилиб, қанчалик қўрқмаслигингизни синаб кўринг.
1. Ҳусайний осма кўприги
Жойлашуви: Хунза дарёси, Покистон шимоли.
Фарқи: узунлиги — 200 метр, сувдан — 30 метр баландликда.
Нимадан қурилган: арқонлар, 472 та ёғоч тахта.
Дунёдаги энг хавфли кўприклардан бири. Ҳусайний кўприги кўпроқ зинапояга ўхшайди. Шамол ва юқори намлик туфайли арқонлар тезда чирий бошлайди. Бир неча марта иншоот шамол ва дарё сувлари туфайли вайрон бўлган, аммо ҳар сафар қайта тикланган.
2. Убейн ёғоч кўприги
Жойлашуви: Амарапура, Мандалай округи, Мянма.
Фарқи: узунлиги — 1208 метр, сувдан максимал баландлиги — 4,5 м.
Нимадан қурилган: 1086 та чириган тик дарахти танаси —мўрт жойлари бетон устунлар билан мустаҳкамланган, аммо бу унга унчалик ёрдам бермайди.
Дунёдаги энг узун ва қадимий бўлган мазкур ёғоч кўприк 1851 йилда қурилган. Гиннеснинг рекордлар китобида Япониядаги Хаурай кўприги дунёдаги энг узун ёғоч кўприк сифатида кўрсатилган. Унинг узунлиги атиги 897,4 метрни ташкил этади, бу кўриб турганингиздек Убейнникидан анча қисқа.
3. Керрик-а-Ред арқон кўприги
Жойлашуви: Баллинтой, Антрим округи, Шимолий Ирландия.
Фарқи: узунлиги — 20 метр, баландлиги — 30 метр.
Нимадан қурилган: Ҳозир Дуглас компанияси томонидан ишлаб чиқарилган мустаҳкам кабель ва арча ёғочларидан. Аввал чириган тахта ва арқонлардан.
Авваллари балиқчилар у ерда лосось балиқларини овлашган. Бу ерга етиб келиш осон бўлиши учун ХВИИ аср ўрталарида улар ушбу кўприкни қуришган.
4. Охуэла осма кўприги
Жойлашуви: Мапими, Дуранго штати, Мексика.
Фарқи: узунлиги — 275 метр, баландлиги — 95 метр.
Нимадан қурилган: ХИХ аср учун инновацион бўлган темир кабеллар, ёғоч ва бетон.
Ушбу аҳоли пунктига бу жойларда бой олтин, кумуш, рух ва марганец конларини кашф этган испаниялик конькистадор Франсиско де Охуэла номи берилган. 1598 йилда у колонияга асос солган ва у ерда 350 йилдан ортиқ кончилар авлодлари ишлаган.
5. Гҳасадаги осма кўприк
Жойлашуви: Гҳаса-Кушме шаҳри, Аннапурна, Непал.
Фарқи: узунлиги — 137 метр, баландлиги — 70 метр.
Нимадан қурилган: мустаҳкам металл тўр, кабеллар ва ёғоч.
Дизайн хусусиятлари туфайли кўприк жуда тор ва эгилувчан. Шунинг учун ҳам у доимо шамолда тебраниб туради.
6. Лангкави оролидаги осмонўпар кўприк
Жойлашуви: Лангкави ороли, Кедаҳ штати, Малайзия.
Фарқи: узунлиги — 125 метр, ердан баландлиги — 100 метр. Кўприк пўлатдан ясалган кабеллар орқали битта таянчга мустаҳкамлаб қўйилган.
Нимадан қурилган: темир, бетон ва шиша панеллар.
Бу ерга бутун дунёдан келган сайёҳлар Кедаҳ марвариди деб номланган оролнинг ажойиб манзарасидан баҳраманд бўлиш учун ташриф буюришади.
7. Чжангтзеясзе шиша кўприги
Жойлашуви: Зҳангжиажие, Вулингюан тумани, Хитой.
Фарқи: узунлиги — 430 метр, ердан баландлиги — 300 метр.
Нимадан қурилган: тобланган шишадан ясалган 120 та панелдан, тўртта бетон устундаги пўлат трослардан.
Кўприк шаффоф эканлигини номидан ҳам тахмин қилиш мумкин.
8. “Бурама аждар” номли сайр йўлаги
Жойлашуви: Зҳангжиажие, Тианмен Моунтаин, Хитой.
Фарқи: узунлиги — 100 метр, водийдан баландлиги —430 метр. Водийнинг ўзи 300 метр чуқурликда.
Нимадан қурилган: 99 та эгри-бугри шаклдаги тобланган шишадан
Юқорида айтиб ўтилган кўприкдан ташқари, Зҳангжиажие боғида кўпроқ нарсаларни кўриш мумкин.
9. Хуангчуандаги “Уч дара” shisha кўприги
Жойлашуви: Лянчжоу, Гуангдун провинцияси, Хитой.
Фарқи: узунлиги — 526 метр, дарёдан баландлиги — 201 метр.
Нимадан қурилган: Пўлатдан ва сирғанчиқ шишадан.
2020 йилгача Зҳангжиажие дунёдаги нафақат энг баланд, балки энг узун shisha кўприк унвонига эга эди. Бироқ бу унвонни Гиннеснинг рекордлар китобига киритилган Хуанчуан шаҳридаги “Уч дара” дарёси устидаги янги кўприк олиб кетди. Ушбу кўприкнинг узунлиги ярим километрдан ошиқ, shisha қалинлиги эса 4,5 сантиметрни ташкил қилади.
10. Какум миллий боғидаги осма йўлак
Жойлашуви: Гана, Ғарбий Африка, Какум миллий боғи.
Фарқи: узунлиги — 330 метр, ердан баландлиги — 40 метр. Йўлак яқин атрофдаги дарахтларга мустаҳкамланган.
Нимадан қурилган: ёғоч ва арқонлардан.
Умуман олганда, бундай йўлаклар дунёнинг кўплаб мамлакатларида учрайди, аммо Африкада фақат битта. У Какум миллий боғида жойлашган. Йўлак арқонларга осилган ва дарахт таналари эса таянч бўлиб хизмат қилади. Йўлак еттита кўприкдан иборат.
Осма йўлакда табиий тропик ўрмонларни, филларни, буйвол ва леопардларни томоша қилиш мумкин.