Фарғонадаги бозорда жанжал чиқди
Ҳолат юзасидан расмий маълумот берилди.
Ижтимоий тармоқда Фарғона вилоятидаги савдо мажмуасида бозор маъмурияти ва тадбиркорлар ўртасида жанжал юзага келгани акс этган видео тарқалмоқда.
Аниқланишича, ҳолат 24 июль куни соат 13:30 лар атрофида содир бўлган. Келишмовчиликка тадбиркорлар ўз маҳсулотларини шартномада кўрсатилмаган жойларда, яъни бозор ички йўлакларигача чиқариб сотиш ҳолатлари сабаб бўлган.
Бозор маъмурияти фавқулодда ҳолатларнинг олдини олиб, тушунтириш ишларини бошлаганда тадбиркорлар ўртасида ўзаро тушунмовчилик юзага келган. Жанжалда ҳеч ким ҳеч қандай тан жароҳати олмаган.
Мазкур вазиятнинг ҳар бир ҳолати бўйича белгиланган тартибда маъмурий ишлар олиб борилмоқда.
