"Солиқ кодексига ўзгартиш ва қўшимчалар киритиш тўғрисида"ги қонун лойиҳаси эълон қилинди.
Ушбу қонун лойиҳасида қуйидаги мақсад ва вазифалар назарда тутилган:
- фермер хўжаликлари, пахта-тўқимачилик ва ғаллачилик кластерларига тегишли ғалладан бўшаган ер участкаларини ер солиғидан озод қилиш кўринишида рағбатлантириш;
- электрон ҳисобварақ-фактураларга тузатиш киритишни фақат ҳисобот ойида амалга оширилишини йўлга қўйиш;
- тадбиркорлик субъектлари томонидан солиқ қарзини юзага келтириш билан боғлиқ фирибгарлик схемаларини қўллаш ва шубҳали фаолият юритишнинг олдини олиш.
Мазкур лойиҳа қабул қилиниши билан юқоридаги талабларга жавоб берувчи ғаллага ихтисослаштирилган фермер хўжаликлари, пахта-тўқимачилик ва ғаллачилик кластерлари ер солиғидан озод қилинади ҳамда ушбу маблағлар уларнинг ихтиёрида қолади.
Аввалроқ, мева-сабзавотчилик кластерлари давлат томонидан қўллаб-қувватланиши ҳақида хабар берилганди.
Мафтуна Режаббоева тайёрлади