Германия афғон муҳожирларини пул эвазига ватанига қайтаришни таклиф қилди
Муҳожирлар электрон почта орқали 17 ноябргача қарор қилишлари керак.
Германия Ички ишлар вазирлиги афғон муҳожирларини ўз ватанларига молиявий ёрдам билан қайтариш дастурини ишга туширди. Шу мақсадда афғон муҳожирларига электрон почта орқали тегишли таклифлар юборила бошланди.
“Тагессчау” нашрининг хабар беришича, таклифга рози бўлганларга нафақа тўлаш ва яшаш харажатларини қоплаш каби ёрдамлар тақдим этилади. Федерал ҳукумат томонидан таклифни қабул қилиш муддати 17 ноябргача белгиланди.
Ушбу дастур афғон жамияти вакиллари, жумладан аёл ҳуқуқлари фаоллари, собиқ амалдорлар ва ҳарбий хизматчиларни қамраб олади. Германия ҳукумати шу орқали афғонларни қабул қилиш дастурларини чеклаш ва мамлакат ичидаги муҳожирлар оқимини назорат қилишни мақсад қилган.
Ҳозирда Германияда қолишга қарор қилган муҳожирларнинг тақдири бўйича расмий маълумот берилмаган
