Британиянинг Telegraph газетаси альянсдаги манбасига таяниб хабар беришича, Германия Вилнюсда 11-12 июль кунлари бўлиб ўтадиган саммитда Киевнинг НАТОга кириш истиқболларига эмас, балки Украина учун хавфсизлик кафолатларига эътибор қаратишни режалаштирмоқда.
Газета суҳбатдошига кўра, Берлин зудлик билан Украинага аъзоликни таклиф қилиш истиқболига қарши ва «аъзоликни моҳиятан блокировка қилиш учун» кафолатларни ишлаб чиқиш учун вақт керак, деб ҳисобламоқда. Шунингдек, манбаларнинг аниқлик киритишича, Германия Путин НАТОнинг бешинчи моддасини синаб кўришини истамайди, деб ёзади Telegraph.
Маълумот учун, НАТОнинг 5-моддасига кўра, альянсга аъзо давлатларнинг бирортасига четдан ҳужум бўлса, бу бутун иттифоқчиларга қилинган ҳужум деб баҳоланади.
Аввалроқ Владимир Зеленский НАТОни уруш тугаганидан кейин Украинани альянсга киритиш учун аниқ чоралар кўришга чақирган эди. Германия ва АҚШ бу ҳаракат НАТО ва Россия ўртасида тўғридан-тўғри можарога олиб келиши мумкинлигидан хавотирда.