Ғуломжон Ёқубов “Буюк хизматлари учун” ордени билан тақдирланди
Санъаткор 75 ёшида юбилей концерт берди.
Тошкентдаги “Халқлар дўстлиги” санъат саройида хонанда, Ўзбекистон ва Қорақалпоғистон халқ артисти Ғуломжон Ёқубовнинг таваллуд санаси муносабати билан катта концерт дастури бўлиб ўтди.
Мусиқий оқшомда Ўзбекистон Республикаси Президенти Шавкат Мирзиёевнинг “Ўзбекистон халқ артисти Ғуломжон Ёқубовни мукофотлаш тўғрисида"ги фармонини Президент маслаҳатчиси Хайриддин Султонов ўқиб эшиттирди.
Унга кўра, Ғуломжон Ёқубов миллий қўшиқчилик санъатини ривожлантириш борасидаги хизматлари, ижтимоий ҳаётдаги фаол иштироки учун “Буюк хизматлари учун” ордени билан тақдирланди.
Олий Мажлиси Сенати Раиси Танзила Норбоева мукофотни санъаткорга топширди.
