IBO Халқаро биология олимпиадаси ва IMC 27 Халқаро математика мусобақаси натижалари эълон қилинди

IBO халқаро биология олимпиадаси 1990 йилдан бери 20 ёшдан кичик талаба ва ўқувчилар ўртасида ўтказиб келинади. Олимпиада биологиянинг асосий йўналишлари бўйича назарий ва амалий беллашувларни ўз ичига олади. Умумий қатнашчиларнинг энг яхши натижа кўрсатган 10 фоизи олтин медал билан тақдирланади. 32-халқаро биология олимпиадаси бу йили Португалияда бўлиб ўтди. Унда Ўзбекистон шарафини 4 нафар ўқувчи ёшларимиз ҳимоя қилди. Умумий натижага кўра, олтин медал билан тақдирланган 30 нафар ғолиб орасида 2 нафар Ўзбекистонлик ҳам бор. Жиззах педагогика академик лицейи ўқувчиси Хумоюн Норбеков ва Тошкент Педиатрия тиббиёт институти академик лицейи ўқувчиси Азиза Абдувалиева олтин медални кўлга киритишди.

Яна бир Халқаро фан олимпиадасида ҳам жамоаларимиз муносиб иштирок этишди.

Жумладан, 27 Халқаро математика мусобақаси (ИМС)да дунёнинг 36 давлатидан ёш математиклар иштирок этди. Кеча мазкур мусобақанинг якуний натижалари эълон қилинди.

Мусобақанинг якка тартибда ўтказилган баҳсларида ўқувчиларимиз 4 та кумуш, 2 та бронза медалларини қўлга киритишди.

Ёшлар жамоасидан (key stage 2):

Камолов Абдурашид - Кумуш

Ахтамов Озод - Бронза

Катталар жамоасидан (key stage 3):

Мажидов Муҳаммадризо - Кумуш

Ражаббоев Лазизбек - Кумуш

Рахматов Анвар - Кумуш

Суюнова Мадина - Бронза

Жамоавий баҳсларда эса кичик ёшлилар жамоамиз 3 ўрин (4 та бронза) ни қўлга киритган бўлса, катта ёш тоифасида иштирок этган ўқувчиларимиз 2 ўрин (4та кумуш) га муносиб кўрилди.

Zamon.uz ижодкорлари барча қатнашчиларни ғалаба билан табриклаб, кейинги ишларига улкан зафарлар тилайди!