Дунё
|
13 Ноябр 13:11
250
Дунё
|
13.11.2021, 13:11
250

Илон Маск компания акцияларининг янги қисмини сотди

Бу ҳақда меъёрий ҳужжатларга таяниб, Интерфакс хабар берди.

 

Қайд этилишича, Америка электромобил ишлаб чиқарувчисининг 639 737 дона акцияси 1056,03 доллардан 1104,15 долларгача бўлган нархда сотилган. Сотилган акцияларнинг умумий қиймати тахминан 687 миллион долларни ташкил этди.


Шу ҳафта бошида Илон Маск 5 миллиард долларга яқин акцияларни сотди.


Ўтган дам олиш кунлари Маск агар "Тwitter" фойдаланувчилари бундай ҳаракат учун овоз беришса, Теsla акцияларининг 10 фоизини сотишга ваъда берган эди. Ижтимоий тармоқда ўтказилган сўров натижаларига кўра, у ушбу пакетни амалга ошириши керак эди.

 

Респондентларнинг қарийб 58 фоизи акцияларни сотиш учун овоз берган. Шундан сўнг Маск ваъдасида туриб акцияларини сотган эди.

 

Маълумот учун: Теsla акциялари жума кунги дастлабки савдолар давомида 0,8 фоизга арзонлашди.

 

Эслатиб ўтамиз, “Forbes” нашри Илон Маскни дунёдаги энг бой одам деб эълон қилди. Унинг бойлиги 271,3 миллиард долларга етган.

 

Аввалроқ  2020 йилда Илон Маскнинг қанча ойлик маош олгани, “Тесла” компанияси робот-гуманоид устида ишлаётганини маълум қилгани ҳамда дунёни тирбандликлардан халос этмоқчилиги ҳақида хабар берилганди.