Исроил ва “Ҳизбуллоҳ” ўртасида уруш хавфи ортмоқда
Бу минтақавий инқирозни кучайтиради.
Голан тепаликларига қилинган ракета ҳужумидан сўнг АҚШ Исроил ва Ҳизбуллоҳ ўртасида уруш эҳтимоли ортиб бораётганидан хавотирда. Бу ҳақида Ахios нашри америкалик расмийларга таяниб ёзмоқда.
“Ғазода ўт очишни тўхтатишга эришилмаганлиги сабабли, Исроил ва Ҳизбуллоҳ гуруҳи ўртасида уруш эҳтимоли ортиб бормоқда. Бу минтақавий инқирозни кучайтиради ва АҚШни можарога чуқурроқ тортади”,— дея фикр билдирди манбалардан бири.
Айни пайтда Ливан ҳукумати тинч аҳолига қилинган ҳужумларни қоралашини ва барча жабҳаларда жанговар ҳаракатларни тўхтатишга чақиришини расман билдирган.
