Италияда энг узоқ қидирилган жиноятчи ушланди
У қидирувга берилганида 30 ёшда бўлган.
Италияда 30 йиллик қочқиндан сўнг энг кўп қидирилган жиноятчи қўлга олинди.
Мафия бошлиғи Маттео Мессина Денаро Сицилиядаги шифохонада даволанаётганида ушланган. Италия телевидениеси хабарига кўра, у зудлик билан махфий жойга юборилган. Мессина Денаро қидирувга берилганида 30 ёшда эди, ҳозир у 60 ёшда.
Унинг йирик жиноятлари орасида Сицилиядаги 1992 йилги 2 та портлаш, мафия бошлиғининг ўғлини ўлдириб, кислотада эритиб юбориш кабилар саналмоқда.
