ЖЧ бошланган илк ҳафтада Қатар аэропортлари 7 минг рейсни қабул қилган
Бутун дунё авиакомпаниялари мамлакатга қўшимча авиарейсларни ишга туширган.
Жаҳон чемпионатининг биринчи ҳафтасида Қатар аэропортларига 7 мингдан ортиқ рейслар амалга оширилди. Бу ҳақда Қатар фуқаро авиацияси бошқармаси маълум қилди.
Хусусан, чемпионат бошланганидан буён Доҳа ва Хамид халқаро аэропортлари катта босим билан ишламоқда. Форс кўрфазидаги қўшни давлатлардан ташқари араб ва халқаро авиакомпаниялари қўшимча авиарейсларни йўлга қўйган.
Бундан ташқари, Жанубий Америка ва Африка, шунингдек, Европа авиакомпаниялари Қатарга чартер ва доимий рейсларни йўлга қўйган.
