"Жиззах вилояти ички ишлар бошқармаси ва Давлат хавфсизлик хизмати ходимлари тезкор фаолият давомида" Ҳизб ут-Таҳрир ал-Исломий "диний экстремистик гуруҳи фаолиятига чек қўйишди", дейилади вилоят ички ишлар бошқармаси расмий хабарида. Қўлга олинганлар сони кўрсатилмаган. Тергов маълумотларига кўра, тинтувлар чоғида қўлга олинганлардан уларнинг ушбу террорчилик ташкилотига алоқадорлигини тасдиқловчи моддий далиллар олиб қўйилган. Жиноят иши қўзғатилган.
Июн ойининг охирида ҳуқуқ-тартибот ходимлари томонидан Самарқанд вилоятида ҳам "Ҳизб ут-Taҳрир ал-Исломий" халқаро террорчилик ташкилотининг гуруҳини яратишда гумон қилинган олти киши қўлга олинган эди. 2020 йилнинг сентябрида ҳам махсус хизматлар томонидан ушбу гуруҳда иштирок этганликда гумонланиб 15 киши ҳибсга олган. Ҳизб-ут-Taҳрир Ал-Исломи ташкилотининг мақсади мусулмон бўлмаган ҳукуматларни йўқ қилиш ва "Жаҳон Исломий халифалиги"ни яратиш орқали бутун дунёда Ислом ҳукмронлигини ўрнатишдир. Баъзи хабарларга кўра, ташкилот Россиянинг бир неча ҳудудларида тарафдорларига эга.